Plantun de Prouvènço

Pèr coumpara dos planto d'encò nostre

Orchis provincialis & Malva nicaeensis

Orchis provincialis

Orchidaceae

Nom en français : Orchis de Provence.

Descripcioun :
Lou gau-de-Prouvènço es un Orchis pas bèn grand e prim que trachis dins li bos clar e li champino, pulèu sus sòu séusous. La labreto, jauno emé de taco roso, èi di tres partido. La flour a un long esperoun. Apoundèn que li fueio soun tóuti basalo e tacado de negro.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 15 à 30 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Orchis
Famiho : Orchidaceae

Ordre : Aspargales

Coulour de la flour : Jauno
Petalo : irreguliero
Ø (o loungour) flour : 15 à 24 mm
Flourido : Printèms

Sòu : Si (Ca)
Autour basso e auto : 0 à 1200 m
Aparado : Vo
Mars à mai

Liò : Bos clar - Champino
Estànci : Termoumediterran à Mesoumediterran
Couroulougi : Eurimediterrano
Ref. sc. : Orchis provincialis Balb. ex DC., 1806

Mauvo(-de-Niço)

Malva nicaeensis

Malvaceae

Nom en français : Mauve de Nice.

Descripcioun :
La mauvo-de-Niço trachis dins lis ermas, champ e proche dis oustau. Douno d'èr à la mauvo coumuno, pamens èi pu grando e se recounèis subretout i fueioun de soun "epicalice" (ço qu'èi dessubre li sepalo) que soun quàsi tant larg que long, e proun pelous sus li bord (fotò).

Usanço :
Avèn pas d'entresigne segur pèr aquesto planto, mai sèmblo bèn que tóuti li mauvo soun manjadisso. Se manjon li jóuini racino e fueio e peréu li fru que dounon d'èr à de froumage. Tout acò èi bon pèr ajuda à caga, à toussi. Soun peréu de bon remoulissènt.

Port : Grando erbo
Taio : 30 à 200 cm
Fueio : alterno
Tipe bioulougico : Teroufite
Cicle bioulougico :

Gènre : Malva
Famiho : Malvaceae

Coulour de la flour : Roso
Petalo : 5
Ø (o loungour) flour : 15 à 30 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Remarco : Planto de coustiero
Mai à juliet

Liò : Ermas - Champ - Escoumbre e proche dis oustau
Estànci : Termoumediterran à Mesoumediterran
Couroulougi : Mediterrano-Atlantico
Ref. sc. : Malva nicaeensis All., 1785

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Orchis provincialis & Malva nicaeensis

ges

Coumpara Gau(-de-Prouvènço) emé uno autro planto

Coumpara Mauvo(-de-Niço) emé uno autro planto